Ժամկետը՝ մարտի 23-ապրիլի 4։
Մասնակիցներ` 7-րդ դասարանների սովորողներ
- Գարնանային ընթերցանություն
«Տիգրան Հայրապետյան» գրադարանից ընտրած-վերցրածդ գիրքը կարդա՛ գարնանային արձակուրդների ընթացքում (օրինակ՝ կարող ես կարդալ Վախթանգ Անանյանի <<Որսորդական պատմվածքներ>> —ը կամ Ղ․ Աղայանի հեքիաթներից):
Եթե ունես նախընտրած գիրք, որն ուզում ես կարդալ կամ կարդում ես, կարող ես շարունակել այն:
Գրիքը կարդալու ընթացքում կամ հետո կատարի՛ր հետևյալ առաջադրանքները՝
- Բլոգումդ բացի՛ր «Իմ գրադարանը» բաժինը և կարդացածդ գրքի (գրքերի) մասին պատմելիս նշի՛ր այս բաժինը:
- Ի՞նչ գիրք ես կարդում կամ արդեն կարդացել(վերնագիրը, հեղինակի անունը):
- Քեզ դուր եկած ամենահետաքրքիր հատվածը կամ արտահայտությունը:
- Առանձնացրո՛ւ հերոսներին, նկարագրի՛ր և բնութագրի՛ր նրանց:
- Գրի՛ր կարծիք կարդացածդ գրքի մասին:
- Գովազդի՛ր կարդացածդ գիրքը:
- Այս ամենը…,իհարկե, տեղադրի՛ր բլոգումդ:
2. Պատմի՛ր նաև քո գարնանային հանգստի մասին: Որտեղ էլ լինես, պատմի՛ր քո գտնվելու վայրի մասին, լուսանկարի՛ր գարնանային գեղեցիկ տեսարաններ, եթե անգամ ինքնամեկուսացած ես տանը, գրիր այդ մասին․ ուրախացնում է քեզ այդ փաստը, թե տխրեցնում, անկեղծ գրիր այն, ինչ մտածում ես տիրող իրավիճակի մասին կարող ես նաև տեսաֆիլմ պատրաստել: Կիսվի՛ր գարնանային քո զգազողություններով, տեսածդ գարնանային գույներով, եթե տնից դուրս չես եկել, պատմիր ընտանեկան հետաքրքիր կամ զավեշտալի պատմություններից :
3․ Չենք մոռանում նաև թեմատիկ ֆոտոլուսանկարների մասին, որոնք կարող են լինել նաև ընտանեկան։
Առաջարկում եմ այս առաջադրանքն անել երկու տարբերակով`
- պատումի ձևով` անպայման արածդ լուսանկարներով
- տեսապատումի (տեսաֆիլմի) ձևով (այսինքն՝ գարնանային մի սիրուն այգում նստած պատմում ես,հիմա հնարավոր է տանը/ թե ինչպես անցկացրեցիր արձակուրդդ, ինչ կարդացիր) :
Աշխատանքներդ անպայման տեղադրի՛ր բլոգումդ և ուղարկիր իմ էլ․ հասցեին inna.stepanyan@mskh.am:
Իննա Ստեփանյան 